Arsenal Özil'in maaşını ödəməyə davam edəcək

"Arsenal" sabiq futbolçusu Məsut Özilə ilin sonunadək maşının 90 faizini ödəməyə davam edəcək.

Corner.az xəbər verir ki, bu barədə "The Atletic" məlumat yayıb. Məlumatda, türk əsilli almaniyalı futbolçu "topçular"ın heyətində həftəlik 400 min avroluq əməkhaqqı almaqla komandanın ən çox maaş əldə edən futbolçusu olduğu vurğulanıb. 32 yaşlı yarımmüdafiəçi klubdan ayrılan vaxt əldə olunan razılaşmaya əsasən, London təmsilçisi ilin sonunadək Özilə maaşının 90 faizini - həftəlik 360 min avro ödəməyə davam edəcək. Bu sözləşmə başa çatanda futbolçu hazırda çıxış etdiyi  "Fənərbaxça" klubunda həftəlik 75 min avro qazanacaq.

Qeyd edək ki, Özil "Fənərbaxça"da  5 matça çıxıb. Onun İstanbul klubu ilə müqaviləsi 2024-cü ilin yayına qədərdir.