ÇL-na vəsiqə qazanacağımıza əmin deyiləm - Klopp

"Liverpul”un baş məşqçisi Yurgen Klopp komandasının Çempionlar Liqasına vəsiqə qazanması ilə bağlı açıqlama verib.

Corner.az xarici mətbuata istinadən xəbər verir ki, almaniyalı mütəxəssis,  şanslarını belə dəyərləndirib:

“Çempionlar Liqasına vəsiqə qazanacağımıza əmin deyiləm. Lakin hər fürsətdən istifadə etməyə çalışacağıq. Mövsüm ərzində çoxlu zədəlilərimiz oldu və bu işi həll edə bilmədik. Bəlkə də, insanlar bunu bəhanə kimi qəbul edəcəklər. Ancaq bütün müdafiəni itirdiyiniz zaman çox çətin olur. Əvvəlcə müdafiədə, sonra yarımmüdafiədəki futbolçular zədələndi. Buna baxmayaraq, sona qədər mübarizə aparacağıq və şansımızdan yararlanmağa çalışacağıq”.

Qeyd edək ki, “Liverpul” Premyer Liqada 7-ci sıradadır.