Mahrez Mançester Sitidən ayrılacaq?

“Mançester Siti”nin futbolçusu Riyad Mahrez gələcəyi ilə bağlı açıqlama verib.

Corner.az xarici mətbuata istinadən xəbər verir ki, 30 yaşlı hücumçu, karyerasını “şəhərlilər”də bitirmək istədiyini deyib:

“Özümü “Mançester Siti”də xoşbəxt hiss edirəm. Başqa klub axtarmaq fikrim yoxdur. Gələcədə necə olacağını deyə bilmərəm, lakin burda özümü yaxşı hiss edirəm. Karyeramı bu klubda bitirmək istəyirəm.

Həm “Lester”lə, həm də “Mançester Siti” ilə Premyer Liqada çempionluq yaşadım. “Lester”lə çempionluğumuzu heç kim gözləmirdi. Bu çempionluq hər zaman xoş xatirəmdə qalacaq. “Mançester Siti” ilə çempionluğumuz çətin oldu. “Liverpul” çempion olandan sonra məyus idik. Bu, bizi yenidən motivasiya etdi və bu mövsüm çempion olduq”.

Qeyd edək ki, əlcəzairli futbolçu 2018-ci ildə “Lester”dən “Mançester Siti”yə keçib.