İngiltərənin “Vulverhempton” klubunun baş məşqçisi Nuno Espirito Santo komandadan ayrılmağa qərar verib.
Corner.az xəbər verir ki, bu barədə klubun rəsmi saytı yayıb. Məlumatda, 47 yaşlı mütəxəssisin öz istəyi ilə mövsümün sonunda vəzifəsindən ayrılacağı vurğulanıb. Portuqaliyalı mütəxəssis mayın 23-də “Mançester Yunayted”lə keçiriləcək mövsümün son qarşılaşmasının ardından komandadan ayrılacaq.
Qeyd edək ki, Nuno Espirito Santo 2017-ci ildən “Vulverhempton”a rəhbərlik edirdi. Onun bu klubla 2023-cü ilin yayınadək müqaviləsi vardı.
