Aquero azarkeşlərlə vidalaşdı

Mövsümün sonunda “Mançester Siti”dən ayrılacağı açıqlanan Serxio Aquero klubun azarkeşləri ilə vidalaşıb.

Corner.az xəbər verir ki, “şəhərlilər”in mətbuat xidmətinə danışan 32 yaşlı hücumçu, azarkeşlərə təşəkkür edib:

“Məni hər zaman dəstəklədikləri üçün “Mançester Siti”nin azarkeşlərinə təşəkkür edirəm. Azarkeşlərin sevgisini hiss edirsənsə, onların sənə inamı varsa  hər şeyə qadir olursan. Pis oyunlarım olsa da, azarkeşlərdən hər zaman dəstək gördüm. Bu, sadəcə möhtəşəm idi. Azarkeşlərə təşəkkür edirəm. “Mançester Yunayted” azarkeşlərinə də minnətdaram. Hər zaman mənə hörmət göstərdilər. Özümü çox xoşbəxt hiss edirəm”.

Argentinalı futbolçunun “Barselona”ya keçəcəyi gözlənilir.