Ya Zidan, ya da Lampard – Sarrinin yerinə 2 namizəd

Maurizio Sarrinin işindən narazı olan “Chelsea” rəhbərliyi italiyalı mütəxəssin yerinə yeni baş məşqçi axtarışlarını davam etdirir.

Corner.az xəbər verir ki, London klubunda hazırda iki məşqçinin adı müzakirə olunur. Onlardan biri ötən mövsümün sonunda “Real”dan ayrılan Zinəddin Zidan, digəri isə “zadəganlar”ın sabiq futbolçusu, hazırda isə Çempionşipdə “Derby County”ni çalışdıran Franck Lamparddır.

Qeyd edək ki, “Chelsea” rəhbərliyi Sarriyə sonuncu dəfə şans verib. Təcrübəli məşqçinin taleyi qarşıdakı 2 oyundan – Malmö və Tottenham matçından asılı olacaq.