Liverpul üçün darıxacam - Veynaldum

Niderland millisinin üzvü Corcinyo Veynaldum “Liverpul”u tərk edib.

Corner.az xəbər verir ki, 30 yaşlı yarımmüdafiəçi klubla müddəti bitən müqaviləsini yeniləməyib. Veynaldum “Liverpul”dan ayrılması ilə bağlı belə deyib:

“Göz yaşlarımı saxlaya bilmirəm. Burda beş ildir hər kəs mənə öz sevgisini göstərir. “Liverpul” üçün darıxacam. Uzun müddət burda qalmaq istəyirdim. Təəssüf ki, işlər alınmadı. Macəram burda sona çatdı. Belə böyük kluba gəldiyim üçün çox xoşbəxtəm”.

Qeyd edək ki, 2016-cı ildən “Liverpul”un uğurları üçün çalışan Veynaldum bu mövsüm Premyer Liqada 38 oyuna çıxıb.