Beyl: İspan dilini bilmədiyim üçün məni söyürlər

Müqavilə ilə “Real”a məxsus olan, icarəsə əsasında son mövsümü “Tottenhem”də keçirən Qaret Beyl maraqlı açıqlama verib.

Corner.az xarici mətbuata istinadən xəbər verir ki, 31 yaşlı futbolçu, İspaniya mətbuatının ondan xoşu gəlmədiyini bildirib:

“Real”a qayıtmağım İspaniya mətbuatını narahat edir. Bunu bilirəm və düzgünlüyünü etibarlı mənbədən öyrənmişəm. Mətbuatın mənim yaşam tərzimi dəyişməsinə icazə verməyəcəm.

İspan dilini bilmədiyim üçün məni söyürlər. İspaniya mətbuatı onlarla danışmadığım üçün mənə qəzəblənir. Buna görə hadisələri dramatikləşdirirlər. Onların Hazarda nələr etdiklərini görürəm. Sanki Hazard kimisə öldürüb. Nəticədə, biz sadəcə oyun oynayırıq”.

Beyl bu mövsüm “Tottenhem”lə 33 oyunda 14 qol vurub. Uelsli  oyunçunun icarə müqaviləsi iyunun sonuna qədərdir.(komanda)