Robertson'dan karyerası ilə bağlı açıqlama

“Liverpul”un şotland futbolçusu Endryu Robertson komandadakı gələcəyi ilə bağlı açıqlama verib.

Corner.az xəbər verir ki, “Goal” nəşrinə danışan 27 yaşlı müdafiəçi, karyerasını Mersisayd təmsilçisində bitirmək istədiyini deyib:

“Mənə tez-tez bu sualı verirlər. Bir daha vurğulmaq istəyirəm ki, məqsədim karyeramı “Liverpul”da bitirməkdir. Lakin uzun müddət yüksək səviyyədə oynamağın çətin olduğunu da bilirəm.

Klubla uzunmüddətli müqaviləm var və burda qalmaq istərdim. Zamanla qərarımı verəcəm. Gələcəkdə çox şey dəyişə bilər, amma mən indi harda oynayıramsa, orda da karyeramı bitirməyi düşünürəm”.

Qeyd edək ki, Endryu Robertsonun “Liverpul”la müqaviləsi 2024-cü ilin yayına qədərdir.