“Kepa böyük səhv etdi, ancaq onu öldürmək istəmirik” – Sarri
Chelsea'nin baş məşqçisi Maurizio Sarri İngiltərə Liqa kubokunun finalında Manchester City ilə keçirilən oyun zamanı göstərişinə əməl etməyən qapıçı Kepa Arrizabalaga haqda növbəti açıqlama verib.
Corner.az xəbər verir ki, italiyalı mütəxəssis “Sky Sports”a müsahibəsində ispaniyalı qapıçı ilə münasibətinin normal olduğunu deyib: “Kepa ilə şəxsən danışdım. Daha sonra hamımız birlikdə söhbətləşdik. Texniki heyətdən və komanda yoldaşlarından üzr istədi. Böyük səhv etdi, ancaq buna görə onu öldürmək istəmirik”.“Kepa Premyer Liqanın növbəti turunda “Tottenham”la oyunda meydana çıxacaq?” sualını cavablandıran Sarri bildirib: “Hələ ki, bilmirəm. Oynaya da bilər, oynamaya da. Bir qərar verməliyəm”.