İngiltərənin "Everton" klubunun yeni baş məşqçisi bəlli olub.
Corner.az xəbər verir ki, sözügedən komanda Rafael Benitesə həvalə olunub.
Bu barədə Mersisayd təmsilçisinin rəsmi saytı məlumat yayıb. 61 yaşlı mütəxəssis ilə imzalanan müqavilənin detalları açıqlanmayıb. O, iyulun 5-də işə başlayacaq. Benites baş məşqçi postunda “Real” klubu ilə müqavilə imzalamış Karlo Ançelottini əvəzləyib.
Qeyd edək ki, Rafael Benites 2006-2010-ci illərdə "Everton"un əzəli rəqibi "Liverpul"a rəhbərlik edib.
