O, istəmirsə heçnə edə bilmərik - Guardiola

Manchester City'nin baş məşqçisi Pep Guardiola, futbolçusu İlkay Gündoğan haqqında açıqlama verib.

Corner.az xəbər verir ki, İngiltərə mətbuatına danışan Guardiola, almaniyalı futbolçuyla yeni müqavilə imzalamaq istədiklərini bildirib: “İlkaya təklifimizi etmişik. Nə istədiyimizi, onun haqqında nə düşündüyümüzü yaxşı bilir. Ancaq son qərarı özü verəcək.İlkayla danışmağa çalışırıq. Müqaviləsinin müddətini artırmaq istəyirik. Ancaq o istəmirsə, heçnə edə bilmərik.İlk mövsümdə 6-7 dəfə zədələndi deyə, oynaya bilmədi. Ancaq indi yaxşı formadadır və komandanın əsas üzvlərindən birinə çevrilib. Nələr olacağını gözləyirik. Danışıqlar davam edir”.

Qeyd edək ki, 28 yaşlı futbolçunun Manchester City ilə 2020-ci ilə qədər müqaviləsi var.