Varan hədəflərini açıqladı

“Mançester Yunayted”in yeni transferi Rafael Varan açıqlama verib.

Corner.az xəbər verir ki, klubun mətbuat xidmətinə danışan 28 yaşlı fransalı futbolçu, “qırmızı-şeytanlar”ın tarixinin bir parçası olmaq istədiyini bildirib:

“Mançester Yunayted” dünyanın ən yaxşı klublarından biridir. Bura gəlib, Premyer Liqada oynamağı rədd edə bilməzdim.

Daha çox uğur qazanmaq üçün burdayam. Baş məşqçi Ole-Qunnar Sulşerlə danışdıqdan sonra bir neçə ilə nə qədər irəliləyəcəyimi başa düşdüm. Bu klubda iz qoymaq istəyirəm. Klubun tarixinin bir parçası olmaq üçün əlimdən gələn hər şeyi edəcəm”.