- İngiltərə P.L.
- 22:44 01.02.2026
İngiltərənin “Arsenal” klubunun futbolçuları Aleksandr Lakazett və Pyer-Emerik Obameyanq koronavirusa yoluxub.
Corner.az xəbər verir ki, bu barədə klubun mətbuat xidməti məlumat yayıb. Məlumatda, hər iki hücumçu bir müddət əvvəl koronavirusa yoluxduğu və bu səbəbdən Premyer Liqanın ilk turunun “Brentford”la səfər matçında (0:2) iştirak edə bilmədiyi vurğulanıb.
Obameyanq artıq koronavirusdan sağalıb. Son koronavirus testinin nəticəsi neqativ çıxan hücumçu yaxın zamanda məşqlərə başlayacaq.
Lakazettinin isə hələ karantində olduğu bildirilir.
