"Mançester Yunayted”in baş məşqçisi Ole-Qunnar Sulşer Premyer Liqanın 2-ci turu çərçivəsində “Sauthempton”a qarşı keçirdikləri oyunla bağlı fikirlərini bölüşüb.
Corner.az xəbər verir ki, norveçli mütəxəssis, 1:1 hesabıyla bitən matçı belə şərh edib:
“Belə bir oyunda üç xal qazanacağınızı düşünürsüz. İlk dəqiqələrdə rəqib ciddi təzyiq göstərirdi, amma bunun öhdəsindən gəlməyi bacardıq. Qol buraxana qədər axmaq bir futbol göstərdik. Son dəqiqələrdə çox diqqətsiz və çox pis oynadıq.
Hakim qərarları müzakirə oluna bilər. Futbolçularımızı təpikləyirlər, hakim də buna göz yumur. Hakimlər buna icazə verirsə, deməli, futbolçularımız tez-tez zədələnəcəklər. Ümid edirəm ki, hakimlər bundan sonra daha diqqətli olarlar”.
