Qələbəyə ehtiyacımız var - Mikel Arteta

"Arsenal”ın baş məşqçisi Mikel Arteta Premyer Liqanın 2-ci turu çərçivəsində “Çelsi”yə qarşı keçirdikləri oyunu şərh edib.

Corner.az xəbər verir ki, ispaniyalı mütəxəssis, 0:2 hesabıyla məğlub olduqları matçı belə şərh edib:

“Rəqib bizdən daha yaxşı oynadı. “Çelsi” yüksək səviyyəli futbolçulardan ibarət bir komandadır. Onlar kimi oynamaq çətindir. Hər zaman daha çox şey istəyirəm. İki oyundur uduzuruq, lakin “Çelsi” ilə matçın ikinci hissəsindəki komandanın çıxışı bizə ümid verdi.

Azarkeşlərimizə bizi dəstəklədikləri üçün minnətdaram. Yaxşı qol imkanlarımız olsa da, dəyərləndirə bilmədik. Çətin dönəm keçiririk. Qələbəyə ehtiyacımız var”.

Qeyd edək ki, “Arsenal” Premyer Liqada iki turdan sonra 19-cu pillədədir