Ronaldo 5 günlük karantinə alınacaq

Portuqaliya yığmasının düşərgəsindən ayrılıb İngiltərəyə gedən “Mançester Yunayted”in futbolçusu Kriştiano Ronaldo beş gün karantində qalacaq.

Corner.az xəbər verir ki, “qırmızı şeytanlar” yerli hökumətə 36 yaşlı hücumçu üçün karantinin ləğv edilməsi ilə bağlı müraciət etsə də, müsbət cavab almayıb. Bu barədə İngiltərə mətbuatı məlumat yayıb.

Portuqaliyalı hücumçu koronavirus testi mənfi çıxdıqdan beş gün sonra komanda ilə məşqlərə başlaya biləcək.

Ronaldo millinin heyətində İrlandiyaya qarşı görüşdə (2:1) sarı vərəqə alaraq cəzalı duruma düşdüyünə görə, sentyabrın 7-də Azərbaycan yığması ilə oyun üçün Bakıya gəlməyəcək.