De Xea'dan 7 illik uğursuzluğa son

"Mançester Yunayted” İngiltərə Premyer Liqasının 5-ci turunda “Vest Hem”ə qalib gəlib – 2:1.

Corner.az xəbər verir ki, qarşılaşmanın 90+4-cü dəqiqəsində London klubu penalti qazansa da bundan yararlana bilməyib. “Qırmızı şeytanlar”ın qapıçısı David de Xea “Vest Hem”li Mark Noblun penalti zərbəsini dəf edib və komandasının qələbəsində böyük pay sahibi olub.

30 yaşlı qolkiper 7 ildən sonra Premyer Liqa matçında penalti zərbəsini qaytarıb. O, sonuncu dəfə 2014-cü ildə, “Everton”la oyunda penalti zamanı “çərçivə”ni toxunulmaz saxlamışdı. İspaniyalı qapıçı bu müddət ərzində 21 penalti zərbəsini qaytara bilməyib.