Ronaldo'nun Mançester Yunayted'dəki məvacibi bilindi

Portuqaliya millisinin hücumçusu Kriştiano Ronaldonun "Mançester Yunayted" klubundakı məvacibi bəlli olub.

Corner.az "Spotrac"a istinadən xəbər verir ki, 36 yaşlı hücumçu "qırmızı-şeytanlar"da illik 25 milyon funt sterlinq qazanır.

Bu, ölkənin digər 3 klubu olan "Norviç", "Lids" və "Brentford"un ayrı-ayrılıqda oyunçularına ödədiyi illik vəsaitdən daha çoxdur. Sözügedən komandalarda futbolçuların illik maaşı müvafiq olaraq, 24,2 milyon funt, 17,9 milyon funt və 12,8 milyon funt təşkil edir.

Qeyd edək ki, "Mançester Yunayted" İngiltərə Premyer Liqasında futbolçulara ən çox məvacib (226,6 milyon funt) ödəyən klubdur.