Mançester Siti hücumçusunu 3 aylıq itirdi

İngiltərənin "Mançester Siti" klubunun zədəli futbolçusu Ferran Torresin durumuna aydınlıq gəlib.

Corner.az klubun rəsmi tviter hesabına istinadən xəbər verir ki, bu barədə komandanın baş məşqçisi Pep Qvardiola mətbuat konfransında məlumat verib.

50 yaşlı mütəxəssis ispaniyalı hücumçunun ayağı sındığı üçün 3 ay yaşıl meydanlardan uzaq qalacağını açıqlayıb.

Təcrübəli mütəxəssis Aleksandr Zinçenko və İlkay Gündoğanın isə sağaldıqlarını söyləyib.

Qeyd edək ki, Ferran Torres Fransaya 1:2 hesabı ilə uduzduqları UEFA Millətlər Liqasının final mərhələsinin həlledici görüşündə sıradan çıxıb.