Mançester Siti'nin oyunundan sonra 2 azarkeş həbs olundu

İngiltərə polisi "Mançester Siti" və "Bernli" komandaları arasında keçirilmiş Premyer Liqanın 8-ci tur matçından sonra 2 azarkeşi həbs edib.

Corner.az "Sky Sports"a istinadən məlumatına görə, hadisəyə səbəb fanatların homofob xarakterli şüarlar səsləndirməsi olub.

Həmçinin ictimai asayişi pozmaqda və xidmətdə olan polis əməkdaşlarına hücum etməkdə şübhəli bilinən başqa bir tərəfdar saxlanılıb. Hüquq-mühafizə orqanları matçlar zamanı irqçilik və təhqirə yol verənlərə qarşı qəti tədbirlər görüləcəyini bildirib.

Qeyd edək ki, "Mançester Siti" - "Bernli" oyunu meydan sahiblərinin 2:0 hesablı qələbəsi ilə yekunlaşıb.