Bəzən bəxtim gətirmir və qol vura bilmirəm – Salah

“Liverpul”un futbolçusu Məhəmməd Salah Premyer Liqada “Uotford”u məğlub etdikləri matçdan sonra fikirlərini bölüşüb.

Corner.az xəbər verir ki, BBC-yə danışan 29 yaşlı misirli hücumçu, 5:0 hesabıyla bitən matçla bağlı bunları deyib:

“Oyuna daha yaxşı başlamaq istədik. Hər imkanımızı dəyərləndirməyə çalışdıq. Çox vacib qollar vurduq. Roberto Firmino het-trik etdi, onu təbrik edirəm.

Mənim qolum? Hələ təkrarına baxmamışam. Düşünürəm ki, “Mançester Siti”yə qarşı matçda daha yaxşı oynamışam. Bilmirəm, fərqləndirməkdə çətinlik çəkirəm.

Bəzən bəxtim gətirmir və qol vura bilmirəm. Hər zaman bütün gücümlə komandama kömək etməyə çalışıram”.