Poqba Liverpul'la oyunda baş məşqçini təhqir edib

İngiltərənin "Mançester Yunayted" klubunun futbolçusu Pol Poqba baş məşqçi Ole-Qunnar Sulşeri təhqir edib.

Corner.az "Daily Mail"ə istinadən xəbər verir ki, fransalı futbolçu bunu Premyer Liqanın 9-cu turunda evdə "Liverpul"a 0:5 hesabı ilə uduzduqları görüşdə deyib.

28 yaşlı yarımmüdafiəçi 60-cı dəqiqədə qırmızı vərəqə aldıqdan sonra norveçli mütəxəssisə qarşı təhqiramiz ifadələr işlədib.

Poqba oyundan sonra meydandan qovulduğu üçün komanda yoldaşlarından üzr istəyib və Sulşeri aşağılayıb.

Qeyd edək ki, Pol Poqba 2016-cı ildən "qırmızı şeytanlar"ın formasını geyinir. Onun klubla müqaviləsi 2022-ci ilin yayında başa çatacaq.