Kriştiano Ronaldo və Fred cərimələndi

“Mançester Yunayted” Premyer Liqanın 11-ci turunda “Mançester Siti” ilə qarşılaşacaq.

Corner.az xəbər verir ki, “qırmızı şeytanlar”da sözügedən matçdan əvvəl komandanın bütün üzvləri birgə nahar edib. Bu barədə “The Sun” nəşri məlumat yayıb.

Futbolçuların motivasiyasının yüksəldilməsi üçün təşkil olunan nahara Kriştiano Ronaldo da qoşulub. 36 yaşlı hücumçu restorana gələndə “Range Rover” markalı avtomobilini səhv yerdə saxladığı üçün cərimələnib. Digər bir futbolçu – Fred də “Bentley”ini düzgün park etmədiyi üçün cərimələnib.

Sabah keçiriləcək “Mançester Yunayted” – “Mançester Siti” matçı saat 16:30-da başlayacaq.