Mançester Yunayted “qol maşını” vardır

“Mançester Siti”nin baş məşqçisi Pep Qvardiola “Mançester Yunayted”ə qarşı keçirəcəkləri Premyer Liqa matçından əvvəl fikirlərini bölüşüb.

Corner.az xarici mətbuata istinadən xəbər verir ki, ispan mütəxəssis, “qırmızı şeytanlar”ın hücumçusu Kriştiano Ronaldo haqda da danışıb:

“Mançester Yunayted”in “Atalanta” ilə matçını izləməmişəm. Amma hər şeyi təhlil edəcəm və nə qədər yaxşı olduqlarına öyrənəcəm. “Mançester Yunayted”də tarixin ən yaxşı oyunçularından birə – “qol maşını” vardır.

“Brügge” ilə Çempionlar Liqası matçımızın “Mançester Yunayted”lə oyundan daha vacib olduğunu deyəndə bəziləri pis oldu. İndi deyirəm, hazırda bizim üçün ən önəmli matç “Mançester Yunayted”lədir”.

Sabah keçiriləcək “Mançester Yunayted” – “Mançester Siti” matçı saat 16:30-da başlayacaq.