Daha 10 azarkeş həbs edildi

İngiltərə polisi may ayında keçirilən “Mançester Yunayted” – “Liverpul” matçının təxirə salınmasına səbəb olan daha 10 azarkeşi həbs edib.

Corner.az İngiltərə mətbuatına istinadən xəbər verir ki, etiraz aksiyasında və iğtişaş törətməkdə şübhəli bilinərək, həbs edilənlərin ümumi sayı 18-ə çatıb. Təqsirkarlar 20-51 yaş arası şəxslərdi. Hadisə ilə bağlı istintaq davam edir.

Mayın 2-də 1000-dən çox azarkeş “Old Trafford”un qarşısında toplaşaraq, klubun Super Liqada iştirak etmək qərarına görə “qırmızı şeytanlar”ın sahibi Qleyzer ailəsinə etiraz edib. Daha sonra fanatların stadiona daxil olması səbəbindən əzəli rəqiblərin görüşü təxirə salınıb.