Klub əgər bir şey etməyi planlayırsa ... - Sulşer

"Mançester Yunayted”in baş məşqçisi Ole-Qunnar Sulşer Premyer Liqada “Uotford”a uduzduqları oyunla bağlı fikirlərini bölüşüb

Corner.az xəbər verir ki, “Sky Sports” telekanalına danışan norveçli mütəxəssis, 1:4 hesabıyla bitən matçı belə şərh edib:

“Çox danışmağın mənası yoxdur. İlk hissədə pis oynadıq. İkinci hissədə toparlanmağıa çalışdıq. Topla düzgün oynaya bilmədik. Bu məğlubiyyət bizim üçün böyük çağırışdır. Klub əgər bir dəyişiklik etməyi planlayırsa bu mətbuatla deyil, klub və mənim aramda olacaq danışıqlardan sonra məlum olacaq. Nəticələr yaxşı deyil.. Bilirik. Yaxşı vəziyyətdə deyilik, bunu da bilirik. Bunlarda futbolun bir parçası çox təəssüf".