Arsenal və Liverpul'dan qələbə

Futbol üzrə İngiltərə Premyer Liqasında 13-cü turun oyunlarına start verilib.

Corner.az xəbər verir ki, ilk oyun günündə beş qarşılaşma baş tutub. Turun açılış matçında “Arsenal” doğma meydanda “Nyukasl”ı qəbul edib və inamlı qələbə qazanıb.

“Liverpul” bu turda doğma meydanda “Sauthempton”u sınağa çəkib və 4 cavabsız qolla qalib gəlib. “Kristal Pelas” evdə “Aston Villa”ya məğlub olub.

“Norviç Siti” – “Vulverhempton” və “Brayton” – “Lids” matçlarında isə qapılara qol vurulmayıb.

İngiltərə Premyer Liqası, 13-cü tur

27 noyabr

Arsenal – Nyukasl 2:0
Qol: Saka, 56. Martinelli, 66.

Kristal Pelas – Aston Villa 1:2
Qol: Quehi, 90+5 – Targett, 15. Makqinn, 86.

Liverpul – Sauthempton 4:0
Qol: Jota, 2; 32. Tyaqo, 37. Van Deyk, 52.

Norviç Siti – Vulverhempton 0:0

Brayton – Lids 0:0