Qvardiola Joze Mourinyonun uğurunu geridə qoydu

İngiltərənin "Mançester Siti" klubunun baş məşqçisi Xosep Qvardiola hazırda "Roma"nın çalışdırıcısı Joze Mourinyonun rekordunu geridə qoyub.

Corner.az  "The Mirror"a istinadən xəbər verir ki, Premyer Liqanın 14-cü turunda "Aston Villa"ya 2:1 hesabı ilə qalib gəldikləri görüş ispan mütəxəssis üçün əlamətdar olub.

50 yaşlı çalışdırıcı daxili çempionatında "şəhərlilər"lə 15-ci qələbəyə sevinib. O, 203-cü matçda buna nail olub. "Çelsi", "Mançester Yunayted" və "Tottenhem"ə rəhbərlik etmiş Mourinyo eyni nəticəni əldə etmək üçün 230 görüş keçirib.

Qeyd edək ki, Xosep Qvardiola 2016-cı ildən "Mançester Siti"nin baş məşqçisidir.