Tottenhem'in futbolçusu üçün il bitdi

İngiltərənin “Tottenhem” klubunun zədəli futbolçusu Kristian Romeronun son durumu bilinib.

Corner.az xəbər verir ki, bu barədə klubun baş məşqçisi Antonio Konte yerli mətbuata açıqlamasında deyib. İtaliyalı mütəxəssis Argentina yığmasının noyabrın 17-də Braziliyaya qarşı keçirdiyi DÇ-2022-nin seçmə mərhələ oyununda (0:0) zədələnən müdafiəçinin bu il yaşıl meydanlardan kənarda qalacağını bildirib.

Romero bundan sonra azı 10 matçda iştirak etməyəcək. 23 yaşlı futbolçunun zədəsinin bərpası gələn ilin fevralına qədər çəkə bilər.

Romero  bu mövsüm “Tottenhem”lə 13 oyuna çıxıb.