İngiltərə Premyer Liqasında koronavirusa yoluxma hallarının sayında kəskin artım qeydə alınıb. Corner.az xəbər verir ki, bu barədə Premyer Liqanın rəsmi saytı məlumat yayıb.
Məlumatda, dekabrın 6-dan 12-dək olan müddətdə 42 nəfərin koronavirus testinin nəticəsinin müsbət çıxdığı bildirilib. Bu müddət ərzində bütövlükdə 3805 futbolçu və klub işçisi COVİD-19 testindən keçib. Virusa yoluxmuş şəxslərin adları, klubları və şəxsiyyətləri açıqlanmır. Premyer Liqa klubları Brayton,Tottenhem, Lester Siti, Mançester Yunayted və Aston Villa komandalarında yoluxma saylarının olduğunu təsdiqləyib.
