Liverpul'dan daha bir rekord

İngiltərə Premyer Liqasının 17-ci turunda "Liverpul"un "Nyukasl"ı məğlub etdiyi matçda Mersisayd təmsilçisi tarixi nailiyyətə imza atıb.

Corner.az istinadən xəbər verir ki, “Liverpul” İngiltərə futbol tarixinin yüksək divizionunda 2 000 qələbə qazanan ilk komanda ünvanına sahib çıxıb.

İngiltərənin bu göstərici üzrə ilk üçlüyünə 1926 qələlə ilə “Arsenal” və aktivində 1872 qalibiyyəti olan “Everton” da daxildir.

Qeyd edək ki, Yurgen Kloppun yetirmələri 17 turdan sonra Premyer Liqanın turnir cədvəlində lider "Mançester Siti"dən bir xal geri qalaraq ikinci pillədə qərarlaşıb.