Konte xəstələnən futbolçularını mankenlə əvəzlədi

Koronavirusa kütləvi yoluxma səbəbindən bir çox futbolçunun xidmətindən məhrum olan "Tottenhem"in baş məşqçisi Antonio Konte məşq zamanı onları əvəzləmək üçün maraqlı üsul seçib.

Corner.az-ın məlumatına görə, bu barədə italiyalı mütəxəssis "Daily Mail" nəşrinə açıqlama verib. 52 yaşlı mütəxəssis, infeksiyaya yoluxmuş oyunçuların əvəzinə manekenlərdən yararlandığını bildirib.

Konte bu şərtlər altında növbəti oyunlara hazırlaşmağın asan olmadığını bildirib: "Əvvəlcə 12 futbolçu ilə məşq etdik. Adətən hazırlıq üçün 20 oyunçu lazım olur. Sayı düzəltmək üçün manekenlərin xidmətindən yararlanmalı oldum".

Qeyd edək ki, yoluxma səbəbindən "Tottenhem"in bir neçə oyunu təxirə salınıb.