“Liverpul”un baş məşqçisi Yurgen Klopp qış transferi ilə bağlı maraqlı açıqlama verib. Corner.az xarici mətbuata istinadən xəbər verir ki, 54 yaşlı alman mütəxəssis, koronavirusa qarşı peyvənd olunmayan futbolçunu transfer etməyəcəklərini bildirib:
“Hazırda heç bir futbolçuyla razılaşmamışıq. Ancaq transfer olarsa, peyvənd olunan futbolçulara üstünlük verəcəyik.
Hazırkı reallığı nəzərə almalıyıq. Bir futbolçu peyvənd olunmayıbsa, o, hamımız üçün təhlükə yarada bilər. Buna görə, biz fərqli yollar tapmalıyıq. Vaksin olunmayan futbolçu başqa yerdə paltar dəyişməli, başqa yerdə yemək yeməli olacaqlar. Ümid edirəm ki, gələcəkdə belə şeylərə ehtiyac olmaz”.