İngiltərə Liqa Kubokunda 1/4 final mərhələsinə yekun vurulub. Corner.az xəbər verir ki, sonuncu oyun günündə üç qarşılaşma baş tutub.
Səfərdə “Brentford”un qonağı olan “Çelsi” inamlı qələbə qazanaraq növbəti mərhələyə adlayıb. Londonun digər təmsilçisi “Tottenhem” doğma meydanda “Vest Hem”i qəbul edib və rəqibini mübarizədən kənarlaşdırıb. “Liverpul” – “Lester Siti” görüşü daha məhsuldar alınıb. Görüşdə əsas vaxtında 6 qol vurulsa da, qalib müəyyənləşməyib. Bu üzdən penaltilər seriyasına ehtiyac duyulub. 11 metrlik zərbələri daha dəqiq olan meydan sahibləri yarımfinala vəsiqəni təmin edib.
İngiltərə Liqa Kuboku
1/4 final
21 dekabr
Arsenal – Sanderlend 5:1
Qol: Nketia, 17; 49; 58. Pepe, 27. Patino, 90+1 – Broadhed, 31.
22 dekabr
Brentford – Çelsi 0:2
Qol: Yansson, 80-öz qapısına. Jorjinyo, 85-pen.
Liverpul – Lester Siti 3:3 (penaltilər 5:4)
Qol: Oksleyd-Çemberleyn, 19. Jota, 68. Minamino, 90+5 – Vardi, 9; 13. Meddison, 33.
Tottenhem – Vest Hem 2:1
Qol: Berqveyn, 29. Moura, 34 – Bouen, 32.
