Diktator olmağa çalışmıram

"Arsenal”ın baş məşqçisi Mikel Arteta inzitam qaydalarını pozduğu üçün heyətdən kənarlaşdırılan Pyer-Emerik Obameyanq haqda danışıb.

Corner.az xarici mətbuata istinadən xəbər verir ki, ispan mütəxəssis, 32 yaşlı hücumçunu heyətdən kənarlaşdırmaqla diktator kimi davranmadığını deyib:

“Diktator kimi davranmağa çalışmıram. Tək istədiyim hər kəsin qaydalara riayət etməsi və hörmət göstərməsidir. Bunları etmək istəmirsizsə, əşyalarınızı yığıb getmək sizin üçün daha yaxşı olar. Mən başda özüm olmaqla hər kəsdən qaydalara riayət edilməsini istəyirəm.

Uğurlu olmaq istəyirsizsə, gördüyünüz işi sevməlisiz. Hansısa davranış göstərmədən öncə hansı klubda çıxış etdiyinizi bilməlisiniz”.

Obameyanq intizamsız davranışlarına görə əsas komandadan uzaqlaşdırılıb.