İngiltərənin “Çelsi” klubu müdafiəçisi Ben Çiliuellini bu mövsümün sonunadək itirib. Corner.az xəbər verir ki, bu barədə klubun mətbuat xidməti məlumat yayıb.
25 yaşlı futbolçu noyabrın 23-də UEFA Çempionlar Liqası çərçivəsində “Yuventus”a 4:0 hesabıyla qalib gəldikləri matçda dizindən zədələnmişdi. Həmin vaxt ingilis futbolçunun bir müddət müalicə alacağı bildirilmişdi. Lakin geridə qalan müddətdə zədə sağalmadığı üçün, həkimlər onun əməliyyat olunmasına qərar veriblər. Çiliuellinin bu həftə əməliyyat olunacağı və ən yaxşı halda 2022-ci ilin yayında sıraya dönə biləcəyi bildirilib.
