İngiltərə Premyer Liqasında 20-ci turun oyunları keçirilir. Corner.az xəbər verir ki, bu gün daha iki qarşılaşma baş tutub.
“Çelsi” doğma meydanda “Brayton”u qəbul edib və xal itkisi ilə üzləşib. Lider “Mançester Siti” isə səfərdə “Brentford”un qonağı olub və minimal hesabla qələbə qazanıb.
Bu tur keçirilməli olan “Lids” – “Aston Villa”, “Arsenal” – “Vulverhempton” və “Everton” – “Nyukasl” matçları komandaların heyətlərində koronavirusa yoluxma halları olması səbəbindən təxirə salınıb.
İngiltərə Premyer Liqası
20-ci tur
28 dekabr
Kristal Pelas – Norviç Siti 3:0
Qol: Eduard, 8-pen. Mateta, 38. Şlupp, 42.
Sauthempton – Tottenhem 1:1
Qol: Uord-Prauz, 25 – Keyn, 41-pen.
Uotford – Vest Hem 1:4
Qol: Dennis, 4 – Souçek, 27. Benrahma, 29. Noble, 58-pen. Vlaşiç, 90+2.
Lester Siti – Liverpul 1:0
Qol: Lukman, 59.
29 dekabr
Çelsi – Brayton 1:1
Qol: Lukaku, 28 – Uelbek, 90+1.
Brentford – Mançester Siti 0:1
Qol: Foden, 16.
