İngiltərənin “Çelsi” klubunda hücumçu Romelu Lukaku cəzalandırılıb. Corner.az xəbər verir ki, 28 yaşlı hücumçu yerli mətbuata müsahibəsi zamanı klubun imicinə zərər gətirdiyi üçün rəhbərlik tərəfindən 500 min avro məbləğində cərimə edilib.
Belçikalı futbolçu verdiyi müsahibədə “Çelsi”də xoşbəxt olmadığını və sabiq komandası “İnter”ə qayıtmaq istədiyini bildirib. Bundan sonra Lukaku heyətdən kənarlaşdırılıb.
Lukaku dünən komandanın baş məşqçisi Tomas Tuxeldən və komanda yoldaşlarından üzr istəyib. 28 yaşlı futbolçu bundan sonra komanda ilə məşqlərə qoşulub.
