- İngiltərə P.L.
- 22:44 01.02.2026
“Arsenal” klubu İngiltərə Premyer Liqasında “Tottenhem”ə qarşı keçirməli olduqları 22-ci tur matçının təxirə salınmasını istəyir.
Corner.az xəbər verir ki, London təmsilçisi oyun üçün heyət qurmaqda çətinlik yaşayır. Bu barədə klubun mətbuat xidməti məlumat yayıb.
“Arsenal”da futbolçuların bəzisi zədə, bəziləri koronavirusla bağlı karantində, bəzilərinin isə Afrika Millət Kubokunda çıxış etdiyi üçün “Tottenhem”lə matça çıxa bilməyəcək. “Topçular” heyətinin kasad olması səbəbindən matçın təxirə salınması üçün Premyer Liqa rəhbərliyinə müraciət edib.
“Tottenhem” – “Arsenal” matçı yanvarın 17-də keçirilməlidir.