Liverpul'dan yeni rekord

İngiltərənin "Liverpul" klubu yeni rekorda imza atıb.

Corner.az xəbər verir ki, Yurgen Kloppun çalışdırdığı komanda buna Liqa Kubokunda finala yüksəlməklə nail olub.

Yarımfinalın cavab oyununda "Arsenal"a 2:0 hesabı ilə qalib gələn Mersisayd təmsilçisi 13-cü dəfə finala adlayıb. Bu, turnir tarixində rekord göstəricidir. Komanda əvvəlki 12 həlledici qarşılaşmanın 8-də qələbə qazanıb, 4 dəfə isə məğlubiyyətlə üzləşib.

Qeyd edək ki, "Liverpul" və "Arsenal" arasındakı ilk yarımfinal görüşü qolsuz yekunlaşıb. "Liverpul" fevralın 27-də finalda "Çelsi" ilə üz-üzə gələcək.