Mançester Yunayted - Vest Hem matçından sonra 4 azarkeş həbs olundu

İngiltərə Premyer Liqasının 23-cü tur çərçivəsində 'Mançester Yunayted" - "Vest Hem" matçından sonra 4 azarkeş həbs edilib.

Corner.az "Mirror" nəşrinə istinadən xəbər verir ki, buna səbəb fanatların matçın keçirildiyi "Old Trafford" stadionunda iğtişaş törətmələri olub.

Onlardan biri təcili tibbi yardım işçisinə hücum etməkdə şübhəli bilinərək saxlanılıb. Digərləri isə ictimai yerdə spirtli içki qəbul etmək, kokain saxlamaq, meydançaya yad əşyalar atmaqda şübhəli bilinərək həbs edilib.

Qeyd edək ki, oyun "Mançester Yunayted"in 1:0 hesablı qələbəsi ilə başa çatıb.