İngiltərə Premyer Liqasının 23-cü turunun “Everton” – “Aston Villa” matçında xoşagəlməz hadisə baş verib.
Corner.az xəbər verir ki, oyunun ilk hissəsinin sonlarında “Aston Villa”nın rəqib qapısına qol vurması yerli azarkeşlərin qəzəbinə səbəb olub.
Belə ki, meydan sahibinin fanatları qonaq komandanın qola sevinən futbolçularına butulka atıblar. Hadisə zamanı butulkalar “Aston Villa”nın futbolçuları Luka Dinlə Metti Keşin başına dəyib və onlar yerə yıxılıblar.
Matçdan sonra “Everton” klubu yaydığı açıqlamada, müdafiəçilərə butulka atan bir azarkeşin həbs olunduğunu diqqətə çatdırıb.
“Everton” – “Aston Villa” matçı qonaqların 1:0 hesablı qələbəsiylə başa çatıb.
