Tottenham daha bir futbolçusunu itirdi

"Tottenham" klubu daha bir itkiylə üzləşib.

Corner.az klubun rəsmi saytına istinadən xəbər verir ki, Harry Kane'dən sonra Dele Alli də zədələnərək sıradan çıxıb.Komandanın əsas üzvlərindən olan 23 yaşlı futbolçu Çempionlar Liqasının 1/4 final mərhələsində "Manchester City" ilə görüşdə xəsarət alıb. Onun sol əlində kiçik qırıq aşkarlanıb. Futbolçunun qarşıdakı oyunlarda meydana çıxıb-çıxmayacağı haqqında məlumat verilməyib.

Qeyd edək ki, Dele Alli bu mövsüm "Tottenham"ın heyətində 29 oyuna 7 qol vurub, 5 məhsuldar ötürmə edib.