Onun məşqə hansı avtomobillə gəlməsi məni maraqlandırmır

"Everton”un baş məşqçisi Frenk Lempard yarımmüdafiəçi Dele Allinin komandanın məşqinə bahalı avtomobillə gəlməsinə münasibət bildirib.

Corner.az xəbər verir ki, “Daily Mail” nəşrinə danışan ingilis mütəxəssis, bunları deyib:

“Allinin məşqə hansı avtomobillə gəlməsi məni maraqlandırmır. Hər kəs öz işi ilə məşğul olmalıdır. Kim necə geyindi, kim məşqə necə gəldi, kim nə etdi deyə, düşünmürəm. Mənim işim komandanı oyuna hazırlamaqdır, kiminsə həyatına müdaxilə etmək deyil”.

Xatırladaq ki, Alli komandanın məşqinə “Rolls-Royce Cullinan” markalı avtomobi ilə gəlmişdi. Avtomobilin qiyməti 400 min dollardır.