Linqardla aramızda problem yoxdur

İngiltərənin “Mançester Yunayted” komandasının baş məşqçisi Ralf Ranqnik az şans qazanan yarımmüdafiəçi Cessi Linqardla bağlı açıqlama verib.

Corner.az xəbər verir ki, “Sky Sports” telekanalına danışan alman mütəxəssis, 29 yaşlı futbolçu ilə yaxşı əlaqələrinin olduğunu söyləyib:

“Linqardla yaxşı münasibətim var. Onu başqa bir kluba göndərməyə razı idim. Lakin Meyson Qrinvudla bağlı yaşananlar qərarımızı dəyişdirməli oldu. İndi  bizim Linqarda daha çox ehtiyacımız var. Onunla aramızda bir problem yoxdur”.

Qeyd edək ki, Qrinvud sevgilisinə fiziki zorakılıqda ittiham olunur. O, bu səbəbdən əsas komandadan uzaqlaşdırılıb.