İngiltərə Premyer Liqasında 25-ci turun oyunlarına start verilib. Corner.az xəbər verir ki, ilk oyun günündə beş qarşılaşma baş tutub.
Turun açılış matçında “Mançester Yunayted” doğma meydanda "Sauthempton”u qəbul edib. Bu oyunda tərəflər meydanı hərəyə 1 qol və 1 xalla tərk ediblər.
“Mançester Siti” bu turda səfərdə “Norviç Siti”nin qonağı olub və böyük hesabla qalib gəlib. “Everton” da “Lids”i darmadağınla məğlub edib. "Brentford" - "Kristal Pelas" matçında qapılara ümumiyyətlə qol vurulmayıb.
"Uotford" isə doğma meydanda "Brayton"a məğlub olub.
Bu tur keçirilməli olan “Çelsi” – “Arsenal” matçı isə “zadəganlar”ın klublararası dünya çempionatındakı iştirakına görə təxirə salınıb.
İngiltərə Premyer Liqası
25-ci tur
12 fevral
Mançester Yunayted – Sauthempton 1:1
Qol: Sanço, 21 – Adams, 48.
Brentford – Kristal Pelas 0:0
Uotford – Brayton 0:2
Qol: Maupay, 44. Uebster, 82.
Everton – Lids 3:0
Qol: Koleman, 10. M.Kin, 23. Qordon, 78.
Norviç Siti – Mançester Siti 0:4
Qol: Sterlinq, 31; 70; 90. Foden, 48.
