Mançester Yunayted'in oyununa baxanda xaos görürəm

İngiltərə millisinin keçmiş hücumçusu Alan Şirer “Mançester Yunayted”in hazırkı vəziyyəti ilə bağlı açıqlama verib.

Corner.az İngiltərə mətbuatına istinadən xəbər verir ki, 51 yaşlı keçmiş futbolçu, “qırmızı şeytanlar”ın oyunçularının meydana nə üçün çıxdıqlarını bilmədiklərini bildirib:

“Mançester Yunayted”in oyununa baxanda xaos görürəm. Komandanın oyun tərzi,  strategiyası yox olub. Tez-tez baş məşqçi dəyişilir. Oyunçular da bəhanələrlə oynayır. “Mançester Yunayted”in futbolçuları meydanda kim olduqlarını və nəyə görə meydana çıxdıqlarını bilmirlər”.

“Mançester Yunayted” İngiltərə Premyer Liqasında 24 turdan sonra 40 xalla 5-ci yerdə qərarlaşıb.