İngiltərə Liqa Kubokunun final oyunu keçirilib. Corner.az xəbər verir ki, həlledici oyunda “Çelsi” “Liverpul”la üz-üzə gəlib.
Londondakı “Uembli” stadionunda baş tutan oyunun əsas və əlavə vaxtında qapılara ümumiyyətlə qol vurulmayıb. Bu səbəbdən qalibi müəyyənləşdirmək üçün penalti seriyasına ehtiyac duyulub. 11 metrlik zərbələrdə daha dəqiq olan “Liverpul” kubokun qalibi olub – 11:10.
Beləliklə, Mersisayd təmsilçisi 9-cu dəfə İngiltərə Liqa Kubokunun qalibi olub. Bununla da “Liverpul” turniri ən çox qazanan komandaya çevrilib. “Mançester Siti” 8 dəfə qalib olubsa, “Aston Villa”, “Mançester Yunayted” və bu dəfə finalda uduzan “Çelsi” hərəyə 5 dəfə Liqa Kubokunda çempionluq sevinci yaşayıb.
