Çempion olmaq üçün biz də bütün oyunları qazanmağa məcburuq - Guardiola

“Manchester City”nin baş məşqçisi Pep Guardiola, İngiltərə Premyer Liqasının son turunda “Crystal Palace”ni 3:1 hesabı ilə məğlub etdikləri matçdan sonra açıqlama verib.

Corner.az İngiltərə mətbuatına istinadən xəbər verir ki, ispaniyalı mütəxəssis, qələbəni belə şərh edib: “Qalib gəldiyimiz üçün xoşbəxtəm. Kifayət qədər istirahət edə bilməmişdik. Buna baxmayaraq, 75-80 dəqiqə yaxşı oynadığımızı düşünürəm”.

48 yaşlı baş məşqçi,  Premyer Liqadakı çempionluq yarışı haqqında da danışıb: “Liverpool”un qalan bütün oyunlarda qalib gələcəyini düşünürəm. Çempion olmaq üçün biz də bütün oyunları qazanmağa məcburuq”